خلطات طبيعية للعناية بالوجه والجسم والشعر

⧬عنايتي وتجربتي الشخصية مع الأقنعة للشعر والوجه والجسم⧬

مرحبا بنات...كيفكم؟؟😘😘

بعرف زمان ما نزلتلكم مواضيع بس انشغلت....( سنتين صرلك مشغولة؟؟😯😕)

المهم رح أكتب عن عدة أقنعة طبيعية مكوناتها موجودة بكل بيت ناسبتني ولاحظت انه في فرق بعد الاستخدام

....بما اني أنا من النوع اللي غيرصبور أبدا ومن النادر اني أداوم على روتين معين أو منتج....

هاي ال....بدي أسميها اختراعات من عندي😆😆

أول اختراع طلعت فيه مقشر للوجه والايدين وللجسم

المكونات عشوائية

لبن زبادي

قهوة تركي

بيكربونات الصودا

سكر

بنخلط المكونات مع بعض ونحاول ما نكتر اللبن

وبمساج دائري خفيف على الوجه واليدين لمدة 5 دقائق تقريبا

يشطف بالماء وبعدها مرطب أو سيروم للبشرة

النتيجة

لاحظت تفتيح والبقع خفت بالاضافة لنعومة وتوريد بالبشرة

⇹⇹⇹⇹⇹⇹⇹⇹⇹⇹

القناع الثاني للشعر

بما انه شعري جاف وكيرلي ومافي لمعه و وو 😔😔

المكونات

موزة

بيضة

ملعقتين خل أبيض

ملعقتين كبار مايونيز

ربع كاسة زيت زيتون

تخلط المكونات بالخلاط ويفضل وضعها بعلبة مثل علب الكاتشاب عشان يصير أسهل وضعها على الشعر

وبعدها بنغلف الشعر بنايلون أو قبعة بلاستيكية

لمدة نص ساعة تقريبا

ملاحظة: يغسل الشعر بالشامبو مرتين وبعدها بنخلط مي مع نص كاسة خل ونغسل الشعر فيها ونتركه لمدة 5 دقايق تقريبا

بعطي لمعة ونظافة للشعر

النتيجة

ترطيب ملحوظ للشعر ومع المداومة عليها كل أسبوع بحفز سرعة نمو الشعر

⇹⇹⇹⇹⇹⇹⇹⇹

الخلطة أو الاختراع الثالث

كتير منا احنا البنات اللي متعودين على الجلي كل يوم😓😓

وتنظيف البيت ومع استخدام مواد التنظيف النتيجة أظافر لونها أصفر ويدين خشنة ومجعدة

الحل

أولا تنظيف اليدين بصابون لليدين عشان نتخلص من مواد التنظيف

بعدها نقشر بالمقشر اللي كتبته فوق

وبعدين بنقع الايدين مع الأظافر بمي دافية مخلوطة 3 ملاعق كبيرة خل أبيض لمدة 10 دقائق

بعدها بنغسلها بمي وبننشفها ونضع مرطب لليدين

النتيجة

ايدين ناعمة وأظافر بيضا وبصير أسهل لما نتخلص من الجلد الميت حول الأظافر

⇹⇹⇹⇹⇹⇹⇹⇹⇹⇹⇹

الاختراع الأخير 

مقشر للجسم

المكونات

قهوة تركية

سكر

بيكربونات الصودا

زيت زيتون

قرفة مطحونة

نص ليمونة

هاي الخلطة بحب أطبقها قبل ازالة الشعر من الجسم

في الشاوربحمام دافئ يغسل الجسم وبعدها بحركات دائرية نقشر المناطق المختلفة بالجسم

بعدها بنغسلها بشاور جل

النتيجة

نعومة وتفتيح 

انشالله يكون أعجبكم الموضوع ولو جربتو الخلطات احكولي بكومنت وشو كانت النتيجة😘😘